भजन-संहिता 13 (एस सी ए)
भजन-संहिता 1313 इबरानी म 13:1‑6 ला 13:2‑6 गने गे हवय
संगीत के निरदेसक बर दाऊद के एक भजन।
1हे यहोवा, कब तक? का तेंह मोला हमेसा बर भुला जाबे?
कब तक तेंह अपन चेहरा ला मोर ले छुपाय रहिबे?
2कब तक मेंह अपन बिचार म फंसे रहिहूं
अऊ हर दिन अपन मन म दुखी होवत रहिहूं?
कब तक मोर बईरी ह मोर ऊपर जय पावत रहिही?
3हे यहोवा मोर परमेसर, मोर कोति देख अऊ जबाब दे,
मोर आंखी ला देखे के सक्ति दे, नइं तो मेंह मिरतू के नींद म सो जाहूं,
4नइं तो मोर बईरी ह कहिही, “मेंह ओला जीत डारे हंव,”
अऊ मोर बईरीमन आनंद मनाहीं, जब में गिर जाहूं।
5पर मेंह तोर अब्बड़ मया ऊपर भरोसा रखथंव;
मोर हिरदय ह तोर उद्धार म आनंद मनाथे।
6मेंह यहोवा के गीत गाहूं,
काबरकि ओह मोर भलई करे हवय।