Zaburi 124 (NEN)

1 Kama Bwana hangekuwa upande wetu;

Israeli na aseme sasa:

2kama Bwana hangekuwa upande wetu,

watu walipotushambulia,

3 hasira yao ilipowaka dhidi yetu,

wangetumeza tukiwa hai,

4 mafuriko yangegharikisha,

maji mengi yangetufunika,

5maji yaendayo kasi

yangetuchukua.

6Ahimidiwe Bwana,

ambaye hakuruhusu turaruliwe kwa meno yao.

7 Tumeponyoka kama ndege

kutoka mtego wa mwindaji;

mtego umevunjika,

nasi tumeokoka.

8 Msaada wetu ni katika jina la Bwana,

Muumba wa mbingu na dunia.